DOH approves procurement of Ronapreve by LGUs, hospitals

Maris Federez   •   November 16, 2021   •   428

MANILA, Philippines — The Department of Health (DOH) has issued an administrative order allowing hospitals and local government units to make direct purchases of Ronapreve to treat patients with COVID-19.

Administrative Order (AO) No 2021-0053 serves as Guidelines on the Procurement, Distribution, and Rational Drug Use of COVID-19 Drugs under Emergency Use Authorization (EUA) in the country.

Prior to the issuance of the AO, the DOH is the only entity that can procure COVID-19 drugs with EUA.

“So for us to facilitate the process at hindi tayo magkaroon ng bottle neck to facilitate provisions of this drug in our hospitals at ma- decentralize natin, gumawa tayo ng Administrative Order. Di na kailangan na DOH ang bumili tapos magpapa-allocate pa sa lahat ng hospitals para mas mablis at magamit agad ng ating kababayang nangangailangan ang ganitong mga gamot,” said DOH spokesperson Usec. Maria Rosario Vergeire.

“This AO serves to provide that authority to our implementing units so that they can procure on their own,” Vergeire further said.

Ronapreve is the very first COVID-19 treatment that was approved by the country’s Food and Drug Administration.

It can be used on patients 12 years old and older with mild to moderate COVID-19 symptoms.

Unlike Mulnopiravir, Ronapreve is administered through intravenous infusion.

“It’s a combination of two antibodies, so kinokontra niya talga ang infection. It is given to patients with mild to moderate COVID-19,” said FDA Director-General Eric Domingo.

“When given at right time […] first 10 days of COVID symptoms, when it is given to the patient, it is given through intravenous infusion sa hospital, sa swero sya dinadaan. Ang nagiging nakita nila sa early results, it can decrease hospitalization and death by at least 70%,” Domingo added. —/mbmf (from the report of UNTV Correspondent Aiko Miguel)

Commuters na hindi bakunado vs COVID-19, hindi aarestuhin – PNP

Robie de Guzman   •   January 18, 2022

MANILA, Philippines – Hindi magpapatupad ng aresto ang Philippine National Police (PNP) sa mga pasaherong hindi pa bakunado laban sa COVID-19 sa gitna ng ipinaiiral na “no vaccination, no ride” policy sa mga pampublikong sasakyan sa Metro Manila.

Ayon kay PNP spokesperson Police Colonel Roderick Augustus Alba, papayuhan at pauuwiin lang sa kani-kanilang mga bahay ang mga pasagerong hindi papayagang sumakay sa mga pampublikong sasakyan.

“No arrest will be effected except for specific violations of law that authorized lawful arrest of offenders,” ang wika ni Alba.

Ang PNP ay isa sa law enforcement agencies na katuwang ng Department of Transportation (DOTr) sa pagpapatupad ng nasabing polisiya.

“Naging matagumpay po ang unang araw ng ‘no vax. no ride’ policy ng PNP, DOTR at LTFRB sa kalakhang Maynila, hindi natin pinahihintulutang sumakay sa mga pampublikong sasakyan ang mga walang maiprisintang katibayan na sila bakunado,” ani Alba.

Sa ilalim ng polisiya, hindi papayagang sumakay ang mga hindi bakunado laban sa COVID-19 at walang maipakitang katunayan o dokumento.

Hindi naman nito saklaw ang mga may medikal na kondisyon kaya hindi nabakunahan at ang mga lumalabas ng bahay para sa essential goods and services.

“Ang mga hindi nabakunahang pasahero na nameet naman ang criteria for exemption to the policy ay pinapayagang sumakay at bumiyahe,” ani Alba.

Hindi rin sakop ng polisiya ang mga manggagawang itinuturing na essential workers o nagbibigay ng mahahalagang serbisyo sa publiko.

Una nang ipinaalala ng DOTr na dapat may maipakitang kaukulang dokumento gaya ng medical certificate o iba pang katunayan ang isang indibiduwal upang ma-exempt sila sa nasabing polisiya.

Kung may medical check-up o examination, magtatrabaho, bibili ng essential goods, mag-a-apply ng lisensya, passport at iba pa, kailangan lang din na magpakita ng mga pruweba ng pagpunta sa mga kaukulang lugar gaya ng identification card sa mga empleyado, medical o exam appointment, barangay health pass at iba pa.

Kung fully vaccinated na, dapat ay dala ang vaccination card.

Samantala, plano naman ng PNP na magpakalat ng mga tauhang magsisilbing “mystery passenger” sa mga pampublikong sasakyan na magbabantay sa mga tsuper at konduktor na lalabag sa ipinatutupad na health protocols.

Kukunin ng mga ito ang plate number ng sasakyan at ang ruta nito at para sa karampatang aksyon.

Nagbabala naman ang PNP sa mga gumagamit ng pekeng vaccination cards na maaari silang makulong ng hanggang anim na buwan at magmulta ng hanggang P50,000. (mula sa ulat ni Correspondent Lea Ylagan)

 

3,500 COVID-19 vaccine booster shots, ilalaan sa pilot run sa ilang botika – Malakanyang

Robie de Guzman   •   January 18, 2022

MANILA, Philippines – Aabot sa 3,500 shots ng COVID-19 vaccine booster ang ilalaan ng pamahalaan sa isasagawang pilot run ng booster sites sa ilang botika at klinika sa bansa.

Ayon kay acting presidential spokesperson at Cabinet Secretary Karlo Nograles, sa Enero 20, araw ng Huwebes, magsisimula ang pilot rin sa pitong botika at klinika na kinabibilingan ng Mercury Drug, Watsons, the Generics Pharmacy, Generika, South Star Drug , QualiMed at Healthway.

Ayon kay Nograles, 100 booster shots ang nakalaan sa bawat pharmacy kada araw at may kabuuan namang 3,500 doses sa loob ng isang linggong pilot run.

Nilinaw naman ng opisyal na kailangan pa ring magparehistro sa lokal na pamahalaan bago makapagpaturok ng booster dose sa mga nasabing pasilidad.

Ayon kay Nograles, ang mga lokal na pamahalan ang mangangasiwa sa registration at documentation habang ang mga pasilidad naman ang mangangasiwa sa aktuwal na pagtuturok ng booster dose.

“Kailangan po nating magpa-rehistro so that we can make sure na ang pupunta lamang sa mga botika are those that need booster shots,” paliwanag ng opisyal.

Pagkatapos ng isang linggong pilot implementation, palalawigin ang programa sa iba pang botika sa bansa.

Muli namang paalala ng mga otoridad na ang maaari lamang turukan ng booster shot ay ‘yung mga nakatanggap na ang kumpletong dose ng bakuna at tatlong buwan na ang nakalipas mula nang maturukan ng bakuna.

Ang hakbang ay kaugnay ng layunin ng pamahalaan na maabot ang 90 milyong target na bilang ng fully vaccinated na mga Pilipino sa pagtatapos ng ikalawang bahagi ng taong 2022.

Sa ngayon ay nasa 55 milyon na ang fully vaccinated kontra COVID-19 sa Pilipinas. (mula sa ulat ni Correspondent Rosalie Coz)

 

Kaso ng Omicron variant naitala sa 15 lugar sa Metro Manila – DOH

Robie de Guzman   •   January 18, 2022

MANILA, Philippines – Labinlimang lugar sa Metro Manila na ang nakapagtala ng local case ng Omicron COVID-19 variant, ayon sa Department of Health (DOH).

Ayon kay DOH Epidemiology Bureau director Dr. Alethea de Guzman, ikinokonsidera nang predominant variant ang Omicron sa Metro Manila batay sa resulta ng pinakahuling whole genome sequencing run.

“Our latest whole genome sequencing showed that the Omicron variant is now the predominant variant in the National Capital Region, It’s also detected in 13 of 17 regions and in the National Capital Region, 15 of its 17 areas already have local Omicron cases,” ang wika ni De Guzman.

Hindi na tinukoy ng DOH ang mga nasabing lugar pero ayon kay De Guzman, mabilis ang pagkalat ng nasabing variant na maaaring bunsod na rin ng paglabas ng mga tao at hindi lubos na pagsunod ng iilan sa public health protocols.

“These case increases that we’ve seen especially in the National Capital Region is driven by Omicron but is also facilitated by our increased mobility, our reduced compliance to minimum public health standards, as well as delays in our detection and isolation,” ani De Guzman.

Bukod sa Metro Manila ay napansin rin ng kagawaran ang pagtaas ng kaso ng COVID-19 sa lahat ng rehiyon sa bansa.

“We have now observed an increase in cases across all regions and all provinces, highly-urbanized cities and independent component cities but there are still areas whose counts are lower than what we are seeing now in the NCR Plus but we’re already seeing continuous and swift increases,” ani De Guzman.

Una nang sinabi ni Health Secretary Francisco Duque III na nasa critical risk classification ang Pilipinas sa kabila ng pagbagal ng growth rate ng COVID-19.

Ngayong Martes, 28,471 bagong kaso ng COVID-19 ang naitala sa bansa. Ito ang unang pagkakataon ngayong linggo na mas mababa sa 30,000 ang napaulat na kumpirmadong kaso ng coronavirus disease sa Pilipinas. (mula sa ulat ni Correspondent Nel Maribojoc)

REACH US

The Philippine Broadcast Hub

UNTV, 915 Barangay Philam,

EDSA, Quezon City M.M. 1104

(+632) 8396-8688 (Tel)

info@untv-newsandrescue.com (General inquiries)

ABOUT UNTV

UNTV is a major TV broadcast network with 24-hour programming. An Ultra High Frequency station with strong brand content that appeal to everyone, UNTV is one of the most trusted and successful Philippine networks that guarantees wholesome and quality viewing experience.