Ang mga miyembro ng US Navy habang nakikinig sa opening ceremony ng CARAT 2012, Brgy. Tambler, General Santos City, July 2, 2012. Ang CARAT 2012(Cooperation Afloat Readiness and Training) ay tatagal hanggang July 10. Ito ang unang pagkakataon na ang pwersang Amerikano ay magkakaroon ng pagsasanay sa Mindanao. (PHOTOVILLE International / Ritchie Tongo)
SARANGANI PROVINCE, Philippines — Nagsimula na nitong Lunes, Hulyo 2 ang exercises ng Philippine at US Navy sa Sarangani.
Dumating noong araw ng Linggo ang dalawang US Navy ships para sa “Cooperation Afloat Readiness and Training o CARAT 2012 na tatagal hanggang Hulyo 10.
Layon ng CARAT 12 na pag-ibayuhin pa ang kooperasyon sa pagitan ng Philippine at US Naval Forces upang mapataas naman ang kakayanan ng Armed Forces of the Philippines na depensahan ang mga karagatan ng bansa.
Pinangunahan ni US Ambassador to the Philippines Harry Thomas ang opening ceremony ng CARAT 2012 sa General Santos City.
“Today we will be formally opening a full eight (8) days of activities that has been month in plan, over 800 United States Navy, Marine Corp, and Coastguards service members, will be working, training and perhaps singing karaoke, with their Philippine counterparts, and exercise that lives us all bare prepared to help our citizens in the time of need.”
Kasama sa pagsasanayan sa CARAT 2012 ang in-port training, subject-matter expertise exchange, diving at salvage training, medical, dental, engineering, civic action projects at community activities.
“Just as the relationship between our two navies has evolved, that was stronger than 3 years ago. This year’s CARAT is more challenging and advance, and that’s the goal there between the two countries,” pahayag ni US Rear Admiral Thomas Carney Jr.
“This is valuable undertaking not only in the priced skills that will be stoned to our soldiers, but also to the opportunity to be closer with our US partner,” pahayag naman ni Eastern Mindanao Commander Lt. General Jorhe Segovia.
Inaasahang pangunahing makikinabang sa community services ng CARAT Exercises ang bayan ng Glan na sinalanta ng flash flood noong buwan ng Mayo. (Ito Ang Balita ni Lipsy Grace Carayo / Ruth Navales, UNTV News)