Presyo ng de lata at iba pang produkto, tumaas batay sa bagong SRP ng DTI

Robie de Guzman   •   September 3, 2021   •   244

MANILA, Philippines – Bahagyang tumaas ang presyo ng ilang brand ng gatas, de lata at iba pang produkto batay sa inilabas na bagong listahan ng suggested retail price (SRP) ng Department of Trade and Industry (DTI).

Dalawampung sentimo hanggang piso ang itinaas ng halaga ng mga de lata gaya ng corned beef, sardinas, luncheon meat at maging ng meat loaf.

Paliwanag ni DTI Undersecretary Ruth Castelo, tumaas ang presyo dahil nagmahal ang halaga ng mga sangkap na ginagamit sa mga nasabing produkto.

“Ito yung corned beef na isang item na tumaas by P2.85 or 75 centavos pero ito ‘yung matagal na na hindi gumagalaw, pending yung request niya for increase from 2019. Two years naghintay ang manufacturers natin,” ani Castelo.

“Meron kaming mga pinagbigyan, si Sec. Lopez nag-approve na rin nung mga talagang naipit na manufacturers kaya merong isang item na umakyat ng P2.85 pero isa lang po yun,” dagdag pa niya.

Tumaas rin ng 25 centavos ang presyo ng noodles.

May paggalaw rin sa presyo ng ilang brand ng patis, toyo, suka, at iodized salt.

Maging ang ilang brand ng gatas gaya ng evaporada, condensada at powdered milk, tumaas rin ng 25 centavos hanggang P1.35

Nasa 15 centavos hanggang 60 centavos naman ang nadagdag sa presyo ng 3 in 1 coffee.

Giit ng DTI, 2019 pa huling humirit ng dagdag presyo ang manufacturers kaya pinayagan nila ang panibagong paggalaw ng halaga ng mga bilihin.

“Inaalalayan rin natin ayaw naman natin na mag-fold ‘yung mga negosyo dahil hindi profitable sa kanila or lugi pa sila for that matter baka magsara o mag-lay off or tuluyang hindi i-produce yung produkto,” ani Castelo.

“Pagka hindi na nila tinuloy ang production nito, mawawalan ng choices ang consumers ng mabababang halaga kaya napilitan na rin tayo na gumalaw ng presyo,” dagda pa niya.

Epektibo na ang bagong SRP pero bibigyan pa rin ng DTI ng sapat na panahon ang supermarkets at grocery stores para mag-adjust at magpalit ng price tag.

Inaasahang maglalabas ng bagong SRP ang DTI sa huling linggo ng Oktubre o Nobyembre para naman sa mga produktong kalimitang nabibili sa holiday season. – RRD (mula sa ulat ni Correspondent Marvin Calas)

Nasa 3 milyong manggagawa, posibleng hindi makatanggap ng 13th month pay — employer group

Maris Federez   •   October 12, 2021

MANILA, Philippines — Posibleng umabot sa tatlong milyong manggagawa mula sa formal sector ang nanganganib na hindi makatanggap ng 13th month pay ngayong taon.

Ayon sa presidente ng Employer Confederation of the Philippines na si Sergio Ortiz-Luis, Jr., marami sa mga maliliit na negosyo ang patuloy na nahihirapan sa gitna ng pandemya.

“Kalahati ng micro nagsara na, wala namang 13th month pay kung nagsara na. Ang natitirang kalahati ang nanganganib na hindi makapagbigay,” ani Ortiz-Luis.

Kinausap na aniya nila ang Department of Labor and Employment at Department of Trade and Industry ukol sa problema na ito.

Ayon kay Ortiz-Luis, naghahanap na ng paraan si DTI Secretary Ramon Lopez para magkaroon ng pondo at maipautang sa mga maliliit na negosyo para may maipambayad sa kanilang mga manggagawa sa katapusan ng taon.

“At mukhang malaking tiyansa na makagawa ng facility para yung mga walang pambayad — gustong magbayad ng 13th month pay— makautang sila na, hopefully, walang interest. At least one year to pay.  Iyon sana gusto kong mangyari,” dagdag pa niya.

May natatanggap na ring reklamo mula sa mga manggagawa ang Associated Labor Unions-Trade Union Congress of the Philippines o ALU-TUCP ukol sa isyu ng pagbibigay ng 13th month pay.

“Nagpa-abot na ng notice sa amin dahil sinasabihan daw sila ng kanilang mga supervisor na nagpaparinig sa kanila at sinasabi na baka hindi sila mabigyan ng 13th month pay this year dahil nga hirap na hirap ang kumpanya na maka-recover,” ayon sa tagapagsalita ng ALU-TUCP na si Alan Tanjusay.

Ani Tanjusay, maaari namang mag-usap ang employer at employee para sa installment ng benepisyo kung wala talagang maipambabayad ang mga kumpanya.

“Magkasundo sila kung paano yung installment, hanggang kailan yung installment, ilang installment babayaran yung 13th month pay,” dagdag pa ni Tanjusay.

Isinusulong din ng grupo na magkaroon ng pautang ang pamahalaan sa mga negosyante para mapunan ang pagbabayad ng 13th month pay na mandato ng kumpanya sa ilalim ng umiiral na batas. —/mbmf (mula sa ulat ni UNTV Correspondent Nel Maribojoc)

Hiling na dagdag-presyo sa ilang holiday food items, pinag-aaralan pa – DTI

Robie de Guzman   •   October 12, 2021

MANILA, Philippines – Pinag-aaralan na ng Department of Trade and Industry (DTI) ang hiling ng ilang manufacturer na taasan ang presyo ng ilang produkto na kalimitang ginagamit kapag holiday season.

Ayon kay DTI Undersecretary Ruth Castelo, kabilang sa holiday food items na posibleng tumaas ang presyo ay ang ham, tomato sauce, at cream products.

“Siyempre kasi yung packaging iyan eh. Alam naman natin, tumaas na yung presyo ng tin can dahil global prices yan. So, tumaas ang presyo ng packaging nila and other cost components,” ani Castelo.

Ngunit ayon sa DTI, kailangang isaalang-alang sa pagtataas ng presyo ang kakayahan ng consumer sa pagbili ng mga nabanggit na produkto.

Kaya papakiusapan rin ng kagawaran ang mga manufacturer na gamitin pa rin ang 2019 suggested retail price gaya nang ginawa noong December 2020.

“So, we’ll see if we can keep that. Kung hindi, mag-a-adjust sila siguro ng kaunti. Ang request natin sa manufacturers, to keep the adjustment at the absolute minimum,” ani Castelo.

Tutol naman ang grupong Laban Konsyumer sa hiling na dagdag-presyo dahil bukod sa krisis dulot ng pandemya ay tuluy-tuloy rin ang pagtaas ng presyo ng produktong petrolyo.

“Kung gusto talaga nilang mag-generate ng benta even during the pandemic, ang mabuti status quo na lang muna ang presyo doon sa mga Noche Buena products sa halip na taasan pa,” ang wika ni Atty. Victorio Dimagiba, pinuno ng grupong Laban Konsyumer.

Payo naman ng DTI sa mga mamimili, agahan ang pamimili ng holiday food items habang hindi pa tumataas ang presyo ng mga ito.

 

Indoor dining, personal care services for fully vaccinated individuals, not discriminatory — DTI

Marje Pelayo   •   September 15, 2021

MANILA, Philippines — Metro Manila will be placed under Alert Level 4 starting Thursday (September 16).

Under the said classification, indoor dining  in restaurants and personal care services will be allowed for fully vaccinated individuals at 10% limited capacity.

Reacting to critics, Department of Trade and Industry (DTI) Secretary Ramon Lopez said such measure does not intend to discriminate.

“Bawal ito in the first place, itong tatlong sektor na ito: dine-in, personal care, pati iyong pagpunta sa simbahan. Bawal po pero binigyan ng kaunting puwang doon sa vaccinated lang. So, it’s more of an incentive, hindi po ito discrimination,” Lopez explained.

“But all other areas na puwede po, open naman siya. Hindi po natin binabawalan ang unvaccinated. Iyon po iyong kakaiba nito kaya hindi po siya discriminatory,” he added.

Under Alert Level 4, thirty percent (30%) capacity is allowed for al fresco dining or outdoor dining spaces and eateries, personal care establishments like barber shops, spas, beauty salons as well as in-person religious gatherings.

Fully vaccinated individuals should present their vaccination cards for indoor services in the said industries.

“Iyong validation is really showing the LGU vaccination card. So, iyon ang paraan natin ngayon. Of course, may ongoing effort ngayon na mayroon na tayong isang uniform vaccine certificate sa VaxCertPH pero mag-i-input pa doon ang ating mga kababayan,” the Trade Secretary noted.

“But for now, they can use the LGU-issued vaccination card,” he added.

Due to policy shift, Lopez is confident that hundreds of workers will now be allowed to resume their jobs in Metro Manila. MNP (with reports from Rosalie Coz)

REACH US

The Philippine Broadcast Hub

UNTV, 915 Barangay Philam,

EDSA, Quezon City M.M. 1104

(+632) 8396-8688 (Tel)

info@untv-newsandrescue.com (General inquiries)

ABOUT UNTV

UNTV is a major TV broadcast network with 24-hour programming. An Ultra High Frequency station with strong brand content that appeal to everyone, UNTV is one of the most trusted and successful Philippine networks that guarantees wholesome and quality viewing experience.