Singil sa kuryente ng MERALCO, bababa ng 19 sentimo ngayong Enero

admin   •   January 8, 2015   •   2825

Ang pagbaba sa Meralco electric bill ngayong Enero

MANILA, Philippines – Dahil sa patuloy na pagbaba ng generation charges mula sa iba’t-ibang planta sa ilalim ng power supply agreement at pagbaba ng presyo ng coal, magpapatupad ang Manila Electric Company o MERALCO ng bawas-singil sa kuryente ngayong Enero.

Bababa ng P0.19 kada kilowatt hour (kWh) ang singil sa generation charge ng MERALCO.

Ibig sabihin, kung ang isang konsyumer ay kumokonsumo ng 200 kWh, bababa ng halos thirty-nine pesos ang singil sa kuryente ngayong buwan.

P58.22 naman para sa mga kumokonsumo ng 300 kWh, habang nasa P77.62 para sa 400 kWh, at halo isang daang piso naman para sa mga kumukonsumo ng 500 kWh.

Ayon sa MERALCO, ito na ang pinakamalaking pagbaba ng singil sa generation charge sa loob ng halos tatlong buwan.

Kung susumahin, aabot na sa halos 79 centavos ang kabuoang ibinababa ng singil sa generation charge simula November 2014 hanggang ngayong Enero 2015.

Ngunit sinabi ni MERALCO Spokesperson Joe Zaldariaga na hindi nila masisiguro kung magpapatuloy pa ang pagbaba ng singil sa kuryente sa mga susunod na buwan.

“The series of the lower generation charges for the past three months maybe difficult to sustain, especially during summer months, where we expect warmer temperatures. It is also going to coincide with the scheduled shutdown of the Malampaya gas facility sometime in March to April,” paliwanag nito.

Samantala, hinihintay naman ng MERALCO kung maglalabas ng temporary restraining order ang Korte Suprema hinggil sa feed in tariff.

Ang feed in tariff ay ang dagdag bayarin sa mga consumer na mula sa mga power producer na gumagamit ng renewable energy.

“Itong feed in tariff kasi expected to be in the costumers by February, so Meralco will collect this and remit it eventually to transco, but the cost will go to the plant operators of the renewable energy,” saad pa ni Zaldarriaga.

Posible namang madagdag na naman ang naturang bayarin sa mga consumer sa susunod na buwan sakaling walang ilabas na TRO ang korte. (Joan Nano / Ruth Navales, UNTV News)

Singil sa kuryente ng Meralco, tataas ngayong Mayo

Robie de Guzman   •   May 7, 2021

MANILA, Philippines – Magpapatupad ng panibagong dagdag sa singil sa kuryente ang Manila Electric Company (Meralco) para sa bill ngayong Mayo.

Batay sa anunsiyo ngayong Biyernes, sinabi ng Meralco na tataas ng P0.185 kada kilowatt hour (kWh) ang singil dahil natapos na ang refund sa over recovered charges.

Bukod pa anila ito sa bahagyang pagtaas sa generation charge.

Ang dagdag singil ay katumbas ng P37 para sa residential consumers na kumukonsumo ng 200 kWh kada buwan, P55 para sa 300 kWh, P73 para sa 400 kWh, at P90 para sa 500 kWh ang buwanang konsumo.

Ito na ang ikalawang sunod na buwan na nagpatupad ng dagdag-singil ang power distributor.

Noong buwan ng Abril ay tumaas din ang singil ng Meralco dahil sa pagtaas ng generation charge.

Meralco announced power rate hike in April

Aileen Cerrudo   •   April 8, 2021

MANILA, Philippines — The power rate in April will slightly increase, according to an advisory of the Manila Electric Company (Meralco).

Meralco announced that a household consuming 200 kilowatt-hours (kWh) in a month will have a P17 increase in their total bill; households consuming 300 kWh per month will have a P26 increase.

For households consuming 400 kWh and 500 kWh will have an increase of P35 and P44 in their total bills, respectively.

The electric company said the power rate hike is due to a higher generation cost in the spot market. AAC (with reports from Joan Nano)

Meralco, may bawas-singil ngayong Marso

Robie de Guzman   •   March 9, 2021

MANILA, Philippines – Tatapyasan ng Meralco ang singil sa kuryente ngayong buwan ng Marso bilang bahagi ng pagpapatupad ng refund na iniutos ng pamahalaan.

Ayon sa Meralco, aabot sa P0.36 kada kilowatt hour (kWh) ang mababawas sa singil sa March bill.

Katumbas ito ng P72 na bawas-singil para sa mga kumukonsumo ng 200 kWh kada buwan, P108 para sa mga gumagamit ng 300 kWh, P144 sa 400 kWh, at P180 para sa may konsumong 500 kWh.

Ang hakbang ay kasunod ng pag-apruba ng Energy Regulatory Commission sa panukala ng kumpanya na ibalik sa mga customer nito ang nasa P13.9 bilyong halaga sa loob ng 24 na buwan.

Sa pagtaya ng Meralco, nasa P0.27 kada kWh ang ire-refund sa buwanang bill ng residential customers.

“It represents the difference between yung actual na Weighted Average Tariff at saka yung ERC-approved Interim Average Rate namin. So, mayroon kaming nakitang difference in terms of the amount which is at, sa aming estimates, is at 13.9 billion,” ang pahayag ni Joe Zaldarriaga, tagapagsalita ng Meralco.

Ito ang ikalawang sunod na buwan na tinapyasan ng Meralco ang singil nito sa kuryente. Ito rin ang pinakamababang singil simula noong Agosto 2017.

Samantala, tiniyak naman ang Meralco na nananatili ang “no disconnection” policy nito para sa mga lifeline consumer na may bill na dapat bayaran sa March 2021.

Ang mga tinatawag na lifeline consumer ay yaong mga kumukonsumo ng kuryenteng mas mababa pa sa 100 kWh kada buwan.

Ang polisiya ay iniutos ng Department of Energy bilang tulong sa mga consumer na lubhang naapektuhan ng COVID-19 pandemic. – RRD (mula sa ulat ni Correspondent Asher Cadapan Jr.)

REACH US

The Philippine Broadcast Hub

UNTV, 915 Barangay Philam,

EDSA, Quezon City M.M. 1104

(+632) 8396-8688 (Tel)

info@untv-newsandrescue.com (General inquiries)

ABOUT UNTV

UNTV is a major TV broadcast network with 24-hour programming. An Ultra High Frequency station with strong brand content that appeal to everyone, UNTV is one of the most trusted and successful Philippine networks that guarantees wholesome and quality viewing experience.